Klah čun mông mă bruă, Khua git gai Ping gah dêh čar ơi Tô Lâm bơni hơdôm bôh tơhnal ƀuh rơđah mơ̆ Grŭp pơtô ba mơnuih ƀôn sang Ping gah dêh čar dưi ngă mơ̆ng akô̆ rơwang bruă truh ră anai, hrŏm hăng anun lăi rơđah, phun than ñu mơ̆ng bruă pơtô ba mơnuih ƀôn sang pơjing rai pran gơgrong pran jua mơnuih ƀôn sang kơjăp.

Khua git gai Ping gah dêh čar rơkâo pơ̆ anăp anai khom tŭ ư hrŏm tơhnal yôm phăn phara hăng rơkâo pơplih phrâo kơtang bruă pơtô ba mơnuih ƀôn sang dưm kơnar hăng bruă jao amăng rơwang ngă hơkrŭ phrâo pioh iâo pơhrui pran kơtang mơ̆ng mơnuih ƀôn sang, ngă brơi lŏn ia kơjăp yak mut rơnuk phrâo, rơnuk phrâo hrưn đĭ mơ̆ng djuai ania hăng tơhnal pơkă dlông hloh lĕ bruă pơtô ba mơnuih ƀôn sang amăng rơwang phrâo lĕ yua kơ mơnuih ƀôn sang ba glăi bôh tơhnal sit nik kơ mơnuih ƀôn sang, pơsir tơlơi kiăng, čang rơmang lăp djơ̆ mơ̆ng mơnuih ƀôn sang, ba bôh tŭ yua djơ̆ phiăn, lăp djơ̆ mơ̆ng mơnuih ƀôn sang nao hlâo, sit nik pơpŭ, ngă tui tơlơi dưi pô mơ̆ng mơnuih ƀôn sang, gum hrom hơkrŭ đĭ kĕ phĭ kơjăp kơplah wah Ping gah, Kơnuk kơna hăng mơnuih ƀôn sang./.