Pơ ala khua mua Ping gah, Kơnuk kơna jao miđai mă bruă mrô I brơi ding jum pơtom hiăp, Khua git gai Ping gah dêh čar ơi Tô Lâm pơpŭ hơdôm tơlơi dưi, tơlơi pơgôp prong mơng gơnong bruă pơtom hiăp, laih dong lăi rơđah, lơm dŏ hơdip hrŏm hăng bruă ling tơhan hăng wai pơgang rơnuk rơnua, Ping gah hăng wa Hô lăng yôm biă mă tơlơi gơgrong phun mơng bruă pơtom hiăp.

Khua git gai Ping gah dêh čar ơi Tô Lâm rơkâo, pơ anăp anai gơnong bruă pơtom hiăp kiăng pơjing bruă pơtom hiăp djop mơta, pơplih phrâo, mă bruă klă, pơdah tơlơi yôm phara mơng Việt nam; djop mơta amăng tlâo tơhnal phun: Pơtom hiăp Ping gah-pơtom hiăp kơnuk kơna-pơtom hiăp mơnuih ƀôn sang, pơlir kjăp hăng wai pơgang rơnuk rơnua, hơđong, tơlơi bơwih ƀong huă, yua boh thâo măi mok, gru grua hăng tơlơi pơhing pơtom hiăp.