Đĭ pơhiăp amăng mông ngă lơphet, Khua git gai Ping gah lăi pơtong: pran kơtang amăng wai pơgang lŏn ia xã hội chủ nghĩa mơng mơnuih ƀôn sang, yua kơ mơnuih ƀôn sang, gơnong nao mơnuih ƀôn sang: “pran wai pơgang mơnuih ƀôn sang” lĕ atur, anih gơnang nao kjăp phik.

Pơ ala khua mua Ping gah, Kơnuk kơna jao miđai pơtŭ kơñĭ tal 5 bơi tơhan kông ang, Khua git gai Ping gah dêh čar rơkâo tơhan kông ang đing nao ngă tui 8 bruă jao, hơdră bruă akŏ phun, amăng anun lăi pơtong tơlơi rơkâo akĕ phĭ tui Kơnuk kơna, Ping gah, mơnuih ƀôn sang hăng tui hơdră xã hội chủ nghĩa; ha pran tui hơnong pơkă rơngai lŏn ia pơlir hăng chủ nghĩa xã hội. Rĭm čô mơnuih apăn bruă, tơhan kông ang ngă tui tơlơi pơsit “Mơnuih ƀôn sang lĕ phun”, lăng tơlơi dưi lŏn ia, djuai ania, mơnuih ƀôn sang prong hloh, pơgôp wai pơgang kjăp lŏn ia, ba glăi tơlơi hơdip hơđong mơ-ak.