Pơhiăp amăng mông ngă Lơphet, Khua git gai Ping gah, Khua mir sir dêh čar ta ơi Tô Lâm lăi rơđah, lơ 2/9/1945, ƀơi Tơdrŏn lak Ba Đình gru grua, Khua mir sir Hồ Chí Minh hmâo pơđok Hră lăi pơtŏng rơngai, lăi pơtŏng hăng rŏng lŏn tơnah tơlơi tơbiă rai mơ̆ng dêh čar Việt Nam Dân chủ Cộng hòa, anai lĕ dêh čar Cộng hòa djop mơnuih dưm kơnar Việt Nam.

Amăng 79 thun rơgao, gah yŭ tơlơi git gai mơ̆ng Ping gah, kiăo tui jua iâo mơ̆ng Ñu, tơtar hyu Tơlơi pơtŏng rơngai, hăng tơlơi pơmin ƀu rơngiă “Ƀu hmâo hơget yôm hloh tơlơi rơngai, dưi pô”, abih bang djuai ania Việt Nam hmâo gum hrŏm hơbit ba pran jua, djop mơnuih kah hăng ha sa, gum hrŏm jar kơmar tâ̆o klă, ngă brơi bruă hơkrŭ Việt Nam dưi truh kih anai truh kơ truh kih pơkon, tlaih rơngai djuai ania, pơlir hơbit lŏn ia, ngă tui truh kih pơplih phrâo, kơjăp yak nao djop mơnuih dưm kơnar. Khua git gai Ping gah, Khua mir sir dêh čar ta pơtŏng sit, hmâo hơdôm bôh than prong tơdơi kơ 79 thun pơdŏng lŏn ia, jing yua kơ pran jua khăp lŏn ia, pran gum hrŏm hơbit djuai ania, pran hrưn đĭ pô, gơgrong pô, tơlơi čang rơmang kơtang kơ rơngai, dưi pô, yâo mơ-ak mơ̆ng Ping gah, Kơnuk kơna hăng mơnuih ƀôn sang Việt Nam./.