Pơhiăp amăng mông jơnum, Khua git gai Ping gah, Khua mir sir dêh čar ta ơi Tô Lâm djă pioh, pơsit yôm hơdôm gir run mơ̆ng ƀing ding kơna amăng Grŭp črâo ba amăng prăp lui Hră lăi pơthâo glăi Klah čun. Hrŏm hăng anun, rơkâo khom lăng glăi, ngă rơđah dong sa dua mơta tơlơi kah hăng: Pơsit bôh than ba truh bruă akă dưi ngă lĕ khom črâo ba rơđah hloh bôh than ba truh hmâo tơhnal phun ñu.

Khua git gai Ping gah, Khua mir sir dêh čar ta lăi rơđah, bruă Klah čun sa dua mơta tơlơi pơblang hăng bôh nik amăng bruă pơplih phrâo tui jơlan gah pơsit djop mơnuih dưm kơnar amăng 40 thun rơgao ƀơi Việt Nam lĕ sa bruă mă yôm phăn pioh kơ bruă pơplih phrâo, pơdŏng hăng pơđĭ kyar lŏn ia. Yua anun yơh tơdơi kơ mông jơnum, khom ngă giong dong Tơlơi lăi pơthâo glăi pioh lăi pơthâo kơ Ding jum kơđi čar gum pơhiăp hăng tơdơi kơ anun ngă giong sa wot dong pioh lăi pơthâo amăng mông Jơnum Ping gah tal 10 pơ̆ anăp./.