Tal nao mă bruă pơ̆ dêh čar tač rơngiao blung a hăng bruă apăn phrâo mơ̆ng Khua git gai Ping gah, Khua mir sir dêh čar ta ơi Tô Lâm hmâo truh kih klă hiam amăng djop bruă, djru pơtrut yôm phăn hăng bruă pơjing khul lăi pơthâo pơgi kơdih Việt Nam - Khač hmâo bôh tŭ yua khom ngă, djru ngă rơnuk rơnua, hơđong hăng pơđĭ kyar mơ̆ng kual hăng ƀơi rŏng lŏn tơnah.

Amăng rơbêh kơ 2 hrơi mă bruă, Khua git gai Ping gah, Khua mir sir dêh čar ta ơi Tô Lâm hmâo laih jơlan hơdră mă bruă lu mơta hăng tŭ yua biă hăng 18 bruă mă. Amăng tal nao čuă, dua bơnah hmâo tơlơi lăi pơtŏng hrŏm kơ bruă kơtưn gum hrŏm hloh dong bruă mă abih bang, nao dơlăm pơjing khul lăi pơthâo pơgi kơdih anai Việt Nam hăng Khač. Hơdôm Ding jum, gơnong bruă hăng hơdôm bôh tơring čar hăng ƀôn prong dua bôh dêh čar hmâo kĭ pơkôl lu hră pơ-ar gum hrŏm amăng hơdôm bruă pel ĕp - wai lăng, bruă rô nao rai hăng dêh čar arăng, bruă ia jrao, pôr pơhing, gum hrŏm gah tơring čar, ƀôn prong, tơlơi hơdip mơnuih ƀôn sang./.