Amăng hơdôm thun rơgao, tơlơi rô nao rai kơplah wah Việt Nam-Lao jai hrơi hơkrŭ, pơđĭ kyar dơlăm, sit nik hăng ba glăi tŭ yua amăng djop mơta bruă. Mơng anun pơgôp yôm phăn amăng bruă pơhlôm hơđong kơđi čar, pơđĭ kyar bơwih ƀong huă-mơnuih mơnam, pơgang rơnuk rơnua ƀơi rĭm boh dêh čar, hrưn đĭ kơdrưh ang mơng dua Ping gah, dua kơnuk kơna.

Tal rai čuă dêh čar Việt Nam mơng Khua git gai Ping gah, khua mir sir Lao ơi Thongloun Sisoulith hăng bơnai ñu lĕ hrơi mông kiăng dua čô khua pơlăi nao rai bruă mơng rĭm Ping gah, kơnuk kơna; pơlăi nao rai tơlơi amăng kual hăng jar kmar dua bơnah đing nao; lăng glăi boh than ngă hrŏm dua bơnah amăng hrơi blan rơgao hăng ba tơbiă jơlan gah, hrưn đĭ klă dong amăng bruă ngă hrŏm pơ anăp.