Amăng hơdôm thun rơgao, tơlơi rô nao rai amăng bruă kơđi čar, pơtom hiăp gru grua, giang mah hơmâo pơđĭ kyar hiam klă, pơdah amăng hơdôm tal čuă jơmư khua mua pơprong, pơbưp nao rai djop gưl khua mua dua bơnah. Dua boh dêh čar hơmâo kĭ lu hră pơkôl ngă hrŏm amăng hơdôm mơta bruă hơmâo kơđi čar pơtom hiăp, bơwih ƀong huă, sĭ mơdrô, tuh pơ alin, ngă hmua, mă akan hơdang, boh thâo măi mok, dăng kông, ia jrao, pơtô pơjuăt, gru grua, pơgang rơnuk rơnua, prăk kak, sang bruă prăk, ngă hrŏm gưl tơring čar…ngă gêh gal brơi djop ding jum, gơnong bruă pok prong ngă hrŏm.

Tơdơi kơ mông čơkă, Khua git gai Ping gah, Khua mir sir ơi Tô Lâm hăng Khua mir sir Mozambique hơmâo mông pơbưp ƀiă mông hăng tơdơi anun ba jơlan hlâo ƀing khua mua dua bơnah nao jơnum bơkơtuai, lăng glăi boh than ngă hrŏm kơplah wah dua bơnah amăng hrơi blan rơgao hăng ba tơbiă lu jơlan gah ngă hrŏm pơ anăp.