Đĭ pơhiăp amăng mông ngă lơphet, pơ ala brơi khua mua Ping gah, Kơnuk kơna, Khua git gai Ping gah, Khua mir sir ơi Tô Lâm pơpŭ kơ ơi Nguyễn Hòa Bình, ơi Bùi Thanh Sơn, ơi Hồ Đức Phớc hơmâo ruah ngă Kơ-iăng Khua dêh čar; ruah khua ding jum wai lăng lŏn mơnai glai čư̆ hăng ơi Đỗ Đức Duy, Khua ding jum phiah phăn hăng ơi Nguyễn Hải Ninh. Khua git gai Ping gah, Khua mir sir ơi Tô Lâm rơkâo 5 čô khua phrâo ruah tŏ tui gru grua ngă hơkrŭ, kjăp amăng bruă mă, akĕ phĭ tui Ping gah, lŏn ia hăng mơnuih ƀôn sang, abih pran jua djru bruă kơ lŏn ia, djru brơi mơnuih ƀôn sang.

Hlâo anun, mơguah lơ 26/8, tui tơlơi git gai mơng Khua git gai pơ ala mơnuih ƀôn sang dêh čar ơi Trần Thanh Mẫn, Khua pơ ala mơnuih ƀôn sang dêh čar tal 15 pơphun jơnum ƀu tui tơđar kiăng kơ sem lăng bruă ruah khua mua tui tơlơi glăm ba. Khua pơ ala mơnuih ƀôn sang dêh čar tal 15pơphun plĕ hră hăng tŭ ư ruah 3 čô kơ-iăng khua dêh čar; Khua ding jum wai lăng lŏn mơnai glai čư̆; Khua ding jum phiah phiăn; ruah Khua sang phat kơđi hăng anom bruă pơsir kơđi tơlơi.