Tơdơi kơ ƀing khua mua apăn bruă amăng khul hơmâo pơčrong sai, Khua git gai Ping gah, Khua mir sir ơi Tô Lâm, Khua khul ruah mơnuih tơbiă anăn ngă khua pioh lăi pơthâo amăng mông jơnum ruah khua ping gah dêh čar hơmâo lăi rơđah, bruă ruah khua, đing nao kơ mơnuih apăn bruă rơgơi, boh yôm phun, tơlơi tŭ yua prong amăng bruă ĕp mơnuih tơbiă anăn pioh ruah đĭ ngă khua, prăp lui jơnum ruah khua ping gah dêh čar tal XIV; tŏ tui ngă djơ̆ tơlơi pơmin, anăp pơtrun prong hăng rơđah rơđong mơ̆ng rơgŏm Khua hơđăp git gai ping gah dêh čar ơi Nguyễn Phú Trọng, khua hơđăp Khul ĕp mơnuih tơbiă anăn pioh ruah ngă khua jơnum tal sa.

Biă mă ñu, khom mă boh tơhnal klah čun ruah mơnuih ngă ding kơna apăn bruă ping gah dêh čar tal XIII pioh ngă atur yôm, akŏ pơjing anăp či ruah mơnuih pioh lăi pơthâo kơ tal Jơnum ruah khua ping gah dêh čar tal XIV.