Klah čun ƀơi mông jơnum, Khua git gai ping gah, Khua mir sir ơi Tô Lâm bơni kơ boh tơhnal dưi ngă laih amăng bruă pơtom hiăp mơ̆ng akŏ bruă tal 13 ping gah dêh čar truh ră anai.

Lăi pơtong hăng anŏ gêh găl hăng pran kơtang tơdơi kơ 40 thun pơblih phrâo lŏn ia, thun blan pơ anăp Khua git gai ping gah, khua mir sir ơi Tô Lâm rơkâo, abih bang amăng anom bruă pơtom hiăp prăp lui hlâo hmao kru mông gêh găl, lăng nao kơ tơlơi lông lăng, kơtưn djru pơgôp pran jua, tơlơi pơmin ia  rơgơi, tơlơi kơhnâo kiăng ngă tui tŭ yua tơhnal pơkă 100 thun yua ping gah git gai, 100 thun akŏ pơdong kơnuk kơna lŏn ia Việt Nam mơnuih ƀôn sang ngă pô rơnuk rơnua ră anai jing lŏn ia Cộng hòa xã hội chủ nghĩa Việt Nam; ăt pơđĭ tui anŏ pok pơhư prong djru hrŏm mơ̆ng Việt Nam amăng bruă hơkrŭ kơ djop dêh čar ƀơi Rŏng lŏn tơnah brơi tơlơi rơnuk rơnua ngă hrŏm pơđĭ kyar laih abih bang mơnuih thâo rơgơi hiam mơak soh.