Pơ ala kơ khua mua Ping gah, kơnuk kơna brơi miđai Tơhan sông kơtang blah ngă kơ Anom bruă phun pơkra măi mok, Khua git gai Ping gah ơi Tô Lâm pơsit, găn rơgao 80 thun akŏ pơdong, blah ngă hăng kjăp bruă, khua mua, ling tơhan apăn bruă, mơnuih mă bruă amăng khul ling tơhan mơ̆ng anom bruă pơkra phao kơtuang ling tơhan hlâo adih hăng Anom bruă phun pơkra măi mok ling tơhan rơnuk anai, pơdah tơlơi gơgrong kjăp kơđi čar, ha pran jua hăng bruă ngă hơkrŭ mơ̆ng Ping gah, pran jua găn rơgao tơnap tap, gir run, ngă mă pô, rơgơi, pơčeh phrâo, gum pơgôp jê̆ giăm hăng mơnuih ƀôn sang.

Pơ anăp, kiăng ngă giong djŏp hơnong pơkă akŏ pơdong Khul tơhan mơnuih ƀôn sang Việt Nam ngă hơkrŭ, apăn bruă, rơgơi, hơdeč, pơplih phrâo, Khua git gai Ping gah kiăng Ping gah khul ling tơhan, Ding jum ling tơhan pơƀut črâo bruă, git gai Anom bruă phun pơkra măi mok ling tơhan pơtô lăi na nao, ngă tui tơpă sit, tŭ yua djŏp tơlơi pơtrun, tơlơi git gai mơ̆ng Ping gah, Kơnuk kơna, ling tơhan kơ pơđĭ tui boh thâo pơkra măi mok gơnam yua gah ling tơhan, ngă hrŏm kjăp kơplah wah bruă pơgang lŏn ia hăng bơwih ƀong, bơwih ƀong hăng pơgang lŏn ia truh thun 2030./.