Pơhiăp ƀơi mông ngă bruă, Khua git gai Ping gah ơi Tô Lâm lăi, kiăng ngă rơđah hăng čih pơkra jing hơdră ngă bruă tui Tơlơi pơtrun mrô 71, pơsit brơi tơlơi dưi ngă tŭ yua hăng dưi mut amăng tơlơi hơdip mơ̆ng Tơlơi pơtrun anai, pran jua lĕ pơsir hĭ bruă tơlơi pơtrun djơ̆ laih samơ̆ ngă ƀu rơ-oa, laih dong jao kơ Ping gah Ding jum pơtô hăng pơjuăt hmư̆ tui djŏp tơlơi pơgôp hiăp ƀơi mông jơnum đah mơ̆ng pơhrua tui amăng jơlan hơdră ngă tui Tơlơi pơtrun mơ̆ng Ding jum kơđi čar lăi pơthâo kơ Kơnuk kơna kĭ brơi.

Khua git gai Ping gah pơtă hlâo, kiăng črâo rơđah hơdôm bruă kiăng ngă hlao mơtăm, hăng hrơi mông pơkă rơđah rơđông laih anun jao rơđah bruă pô gơgrong ngă, kiăng pơhlôm bruă pơtô hrăm klă hloh. Ngă hiư̆m pă kiăng tuč rơnuč ñu lĕ pơđĭ tui bruă pơtô hăng hrăm. Ping gah, Kơnuk kơna amra lăng ba, ngă gêh gal brơi kiăng anom bruă pơtô hrăm ngă tŭ yua hơdôm tơlơi hơmâo ba tơbiă amăng Tơlơi pơtrun.