Pơhiăp ƀơi mông jơnum, Khua git gai ping gah ơi Tô Lâm rơkâo, pơ anăp adih, Sang bruă kơsem min pơkra apui lơtrik ayuh Việt Nam khom bơ tŭ ư hĭ anăp či mă bruă hruaih hloh, tơpă hơnơ̆ng ƀu song mă ôh hăng tơlơi rơnuk rơnua mơ̆ kiăng pơdong tŭ kơ prong, khom ngă tui djơ̆ akŏ pơdong gru grua hiam tơlơi rơnuk rơnua hơđong ngă atur, laih dơ̆ng pơtrut tơlơi kơtang, kơhnâo rơgơi amăng lăm, pơphun rim črăn bruă laih anun ngă hrŏm jar kmar tui hăng rơnoh pơkă laih hlâo, hăng pơčeh phrâo dăp bruă pơkra ming, ba yua, git gai wai lăng lăp djơ̆.

Khua git gai ping gah ăt lăi pơtong, 9 anăp či ngă bruă prong kiăng kơ Sang bruă kơsem min pơkra apui lơtrik ayuh Việt Nam, khom pơtum ngă bruă, amăng anun kiăng ngă pơgiong čih pơkra tơlơi phiăn pơkă kơ bruă mă, jơlan hơdră djru kiăng amuñ hăng gêh găl pioh pơtrut pơđĭ bruă pơkra ming apui lơtrik ayuh djơ̆ găl hăng rơnuk phrâo, akŏ pơdong jơlan hơdră pơdah thâo gưl dêh čar kơ tơlơi thâo, ia rơgơi hăng anŏ rơnuk rơnua put ayuh lơ̆m pơjing rai apui lơtrik či yua, kiăng hơđong, huăi hơmâo tơlơi truh sat djơ̆ rơnoh jar kmar pơkă.