Pơ ala kơ khua mua mơ̆ng Ping gah, Kơnuk kơna brơi miđai Hồ Chí Minh kơ Hră pơhing phrâo Thông tấn xã Việt Nam, Khua git gai Ping gah ơi Tô Lâm bơni kơ tơlơi gum pơgôp prong mơ̆ng djŏp rơnuk khua mua, mơnuih hyu mă tơlơi pơhing, ƀing apăn bruă măi mok, mơnuih mă bruă mơ̆ng Anom bruă pôr tơlơi pơhing phrâo Việt Nam amăng djŏp rơnuk hăng bruă ngă hơkrŭ mơ̆ng Ping gah hăng djuai ania ta ăt kah hăng gum čih glăi thun blan hing ang mŏng anom bruă čih tơlơi pơhing hơkrŭ Việt Nam; pơsit, 80 thun rơgao Thông tấn xã Việt Nam jing anom bruă pôr pơhing yôm phun amăng lu glông pôr pơhing mơ̆ng dêh čar.

Khua git gai Ping gah kiăng pơ anăp anai, mơnuih čih hră pơhing phrâo Việt Nam kiăng gir hloh, ngă kjăp bruă, kjăp tơlơi pơmin, kiăo tui jơlan ngă hơkrŭ, pơsit tơlơi gơgrong bruă jing ling tơhan ba jơlan, ngă tŭ yua djŏp bruă mơ̆ng Ping gah hăng Kơnuk kơna jao, pôr pơthâo djŏp, dlăm tơlơi pơtrun, tơlơi phiăn hăng tơlơi đĭ kyar mơ̆ng Việt Nam, djru ngă kjăp brơi tơlơi đăo kơnang hăng tơlơi tŭ ư hrŏm mơ̆ng mơnuih tơpuôl; ngă pơhưč pran jua hăng râu mơdưh pran kơtưn gum djru mơnuih mơnam yua kơ tơlơi đĭ kyar mơ̆ng lŏn ia./.