Ƀơi mông bơkơtuai nao rai, dua čô khua pơdah pran jua mơak ƀuh tơlơi pơđĭ kyar kơtang hăng hiam klă bruă ngă giăng mah dua bơnah dêh čar. Khua mir sir dêh čar Mi, ơi Donald Trump lăng yom bruă Việt Nam ƀuăn pioh anih sĭ mơdrô ngă gêh găl brơi gơnam sĭ mơdrô dêh čar Mi, amăng anun hơmâo rơdêh ôtô pơprong.

Ñu lăi, dêh čarMi amra pơhrŏ rơnoh mă jia hăng lu gơnam sĭ mơdrô mơ̆ng Việt Nam laih anun ăt amra ngă hrŏm hăng Việt Nam amăng bruă pơsir hĭ tơlơi gun bơbeč djơ̆ kơ bruă ngă giăng mah dua bơnah, boh nik ñu amăng bruă mă dua bơnah hlăk đing nao. Khua git gai ping gah ơi Tô Lâm hăng Khua mir sir dêh čar Mi, ơi Donald Trump ăt pơčrong sai hơdôm anăp či ngă bruă, hơdră pơprong pơtrut bruă ngă giăng mah yom phara laih anun hlom bom hloh amăng hơdôm thun pơ anăp.