Bơni hơ-ơč hơdôm boh than hmư̆ hing mơ̆ Gong phun pơdah rup Việt Nam hơmâo ngă amăng hrơi blan rơgao, Khua git gai Ping gah ơi Tô Lâm lăi rơđah, amăng rơnuk đĭ kyar phrâo, lơ̆m abih bang Ping gah, mơnuih ƀôn sang, ling tơhan ta glăk gir ngă truh kih Jơnum ping gah dêh čar tal 13, anăp nao Jơnum ruah khua ping gah dêh čar tal 15, yua hnun Gong phun pơdah rup Việt Nam jai pơƀuh tơlơi rơgơi, jing gong tơmeh phun hơkrŭ pran đăo kơnang, hăng tơlơi tŭ ư amăng abih bang mơnuih.

Khua git gai Ping gah ơi Tô Lâm kiăng, Gong phun pơdah rup Việt Nam pơplih boh thâo mrô abih bang, pôr pơhing tui lu glông pôr; anăp ngă Grup pơƀut hrŏm pôr pơhing boh thâo mrô dêh čar phrâo hloh, mă yua tui hơbô̆ bruă tum pơƀut abih bang, abih bang mă yua mrô, ba jơlan amăng bruă pơkra hăng pơpha hyu tơlơi pơhing klă, djơ̆, amăng lu glông pơdah, pôr, lu tơlơi pơhiăp, mă yua boh thâo ia rơgơi phrâo bơwih brơi mơnuih ƀôn sang amăng dêh čar hăng pơ čar rơngiao, gum pơgang kjăp tơlơi pơhing mơ̆ng lŏn ia, pơđĭ tui tơlơi kơdrưh mơ̆ng Việt Nam ƀơi djŏp glông pôr pơhing jar kmar.