Khua git gai pơ ala mơnuih ƀôn sang dêh čar lăi rơđah, Ping gah, Kơnuk kơna đing nao truh mơnuih Việt Nam pơ̆ dêh čar tač rơngiao. Mơnuih Việt Nam ƀơi rŏng lŏn tơnah lăi hrŏm hăng Senegal lăi ha jăn ƀu dưi pơklah mơ̆ng pran gum hrŏm hơbit abih bang djuai ania mơ̆ng lŏn ia Việt Nam – Lŏn ia hmâo phiăn juăt yôm phăn kơ pran gum hrŏm hơbit hmâo laih lu bôh than amăng bruă tlaih rơngai djuai ania, ăt kah hăng amăng bruă pơdŏng hăng pơgang lŏn ia ră anai.

Pơ ala kơ khua mua git gai Ping gah, Kơnuk kơna, Grŭp hyu mă bruă gưl dlông mơ̆ng dêh čar ta, Khua git gai pơ ala mơnuih ƀôn sang dêh čar ơi Trần Thanh Mẫn mơ-ĭt tơlơi hơ-ưč hmưi abih bang mơnuih Việt Nam ƀơi Senegal yak rơgao djop tơlơi tơnap, tơlơi lông pioh hơđong tơlơi hơdip mơda; hrŏm hăng anun bơni Khua pơ ala mơnuih ƀôn sang, Gong gai Senegal hmâo djru laih mơnuih Việt Nam amăng hơdôm hrơi rơgao hăng čang rơmang amra djru dong pioh mơnuih Việt Nam glăk dô̆ hơdip mơda ƀơi Senegal hơđong tơlơi hơdip mơda hăng hmâo hơdôm tơlơi gum hơgôp ƀơi anih pô dô̆./.