Ƀơi mông jơnum, Khul pơphun bruă ruah khua dêh čar pơčrông sai, pơgôp hiăp kơ hră lăi pơthâo mơ̆ng Khul ruah khua dêh čar kơ pok pơhai prăkp rơmet ruah khua pơ ala mơnuih ƀon sang dêh čar tal 16 hăng khua pơ ala mơnuih ƀôn sang djŏp gưl rơwang thun 2026-2031 mơ̆ng tơdơi kơ mông jơnum blung a truh ră anai, hăng hơdôm bruă akŏ phun pơ anăp; prăp hlâo jơlan hơdră, tơlơi ba jơnum hăng prăp rơnet Jơnum đơ đam dêh čar kơ pok pơhai bruă ruah khua mua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang djŏp gưl rơwang thun 2026-2031; Tơlơi pơtrun kơ gru hră tơbiă anăn, hră ruah hăng djŏp mơta hră pơ-ar hơmâo mă yua amăng bruă ruah khua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang djŏp gưl rơwang thun 2026-2031.

Pơhiăp ƀơi mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn kiăng djŏp bruă lăi pơthâo, pơtô brơi kiăng pơƀut hloh dong, đah mơ̆ng djơ̆ hơdră, djơ̆ akŏ tlôn, hơdeč hmar, prăp hlâo, pơčeh phrâo, prăp tañ, mơ̆ng ataih. Kơ tơlơi či Jơnum đơ đam dêh čar, Khua git gai pơ ala mơnuih ƀôn sang dêh čar kiăng pơplih phrâo Jơnum pok pơhai dua bơnah, hơmâo pơčrông nao pơčrông rai, biă ñu amăng hrơi mông gong gai phrâo, kiăng rơđah, tong ten, pơgôp hiăp khŏm djơ̆, boh pơhiăp hơmâo asar, sit nik./.