Anai lĕ anih gru grua pơlir hăng Khua mir sir Hồ Chí Minh hăng gơnong glông amăng rơnuk pơklaih rơngai lŏn ia ta, anai lĕ anih pơphun Jơnum dêh čar mơnuih ƀôn sang lơ 16/8/1945-atur akŏ pơjing Khua pơ ala mơnuih ƀôn sang dêh čar Việt Nam.

Đĭ pơhiăp amăng mông pioh hơdor, Khua git gai pơ ala mơnuih ƀôn sang lăng yôm tơlơi gir run mơng Tuyên Quang amăng bruă djă pioh, tŏ tui gru grua ngă hơkrŭ, laih dong lăi pơtong tơlơi gơgrong mơng ƀon lan amăng pơtô glăi gru grua ngă hơkrŭ brơi rơnuk hlăk ai. Ñu rơkâo tơring čar pok pơhai tŭ yua hơdôm tơlơi git gai mơng Khua git gai Ping gah dêh čar ơi Tô Lâm, laih dong ngă tui klă hơdôm tơlơi phiăn, tơlơi pơtrun mơng Ƀirô Khua pơ ala mơnuih ƀôn sang dêh čar phrâo ba tơbiă. Khua git gai pơ ala mơnuih ƀôn sang dêh čar pơsit tong, Ƀirô Khua pơ ala mơnuih ƀôn sang amra gum hrŏm hăng Tuyên Quang amăng bruă pơkra ming, pơphun hơdôm bruă čuă lăng, pơgôp ngă lar hyu gru grua Tân Trào tơl abih bang mơnuih.