Tlam mơmŏt lơ 25/8, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn git gai mông čơkă. Tơdơi kơ mông čơkă, dua bơnah jơnum bơkơtuai. Amăng mông jơnum, dua bơnah tŭ ư amra tŏ tui pok pơhai tŭ yua hơdră kơtưn ngă hrŏm bơwih ƀong huă Việt Nam-Australia, anăp nao hơnong pơkă ba rơnoh sĭ mơdrô đĭ truh 20 klai đôlar Mi hăng đĭ dua wŏt tuh pơ alin nao rai dua bơnah pơ anăp anai; pơtrut hơdôm bruă pơsur sĭ mơdrô, pơlir hơbit sĭ mơdrô kơplah wah hơdôm anom bơwih ƀong sĭ mơdrô nao rai dua bơnah.

Pơ anăp anai, Khua git gai pơ ala mơnuih ƀôn sang dêh čar ơi Trần Thanh Mẫn rơkâo dua bơnah, kơtưn pơbưp nao rai khua mua hăng djop jơnum min mơng Ƀirô Khua pơ ala mơnuih ƀôn sang dêh čar, ƀing khua pơ ala, kơplah wah grup khua pơ ala ngă giang mah kiăng pơlăi nao rai tơlơi găn rơgao amăng pơphun bruă mă, sit biă ñu amăng pơjing hơdră bruă, pơgiong phiah phiăn hăng krăo lăng ngă tui tơlơi phiăn.