Amăng tal nao čuă anai, Khua git gai pơ ala mơnuih ƀôn sang dêh čar ơi Trần Thanh Mẫn hrŏm hăng ƀing khua mua pơprong mơng Ƀirô Khua pơ ala mơnuih ƀôn sang dêh čar Việt Nam amra hơmâo mông jơnum bơkơtuai hăng khua mua pơprong ƀơi dêh čar Nga; hơmâo sa, dua mông bưp hăng hơdôm Ping gah, khua mua ƀon lan hăng hơdôm khul giang mah, anom bơwih ƀong sĭ mơdrô amăng dêh čar Nga hăng Việt Nam; bưp mơnuih mă bruă ƀơi Sang anih jưh pơ ala dêh čar Việt Nam hăng mơnuih ƀôn sang Việt Nam dŏ hơdip ƀơi dêh čar Nga.

Sit biă ñu, amăng tal nao čuă anai, Khua git gai pơ ala mơnuih ƀôn sang dêh čar ơi Trần Thanh Mẫn hăng Khua Đuma dêh čar Ƀirô Khua pơ ala mơnuih ƀôn sang dêh čar Nga git gai hrŏm jơnum tal tlâo mơng Jơnum min pơlir hơbit khua pơ ala mơnuih ƀôn sang Việt Nam-Nga.