Khua git gai pơ ala mơnuih ƀôn sang dêh čar ơi Trần Thanh Mẫn pơsit tong lêng kơ lăng yôm hăng đing nao hloh tơlơi rô nao rai giang mah hing ang, gum pơgôp hăng ngă hrŏm djop mơta hăng Ping gah, kơnuk kơna hăng mơnuih ƀôn sang dêh čar Lao. Pơ anăp anai, Khua git gai pơ ala mơnuih ƀôn sang dêh čar rơkâo dua bơnah kơtưn pơbưp nao rai khua mua pơprong, djop gưl; gum hrŏm kjăp, djru tơdruă tui hơdôm tơlơi pơkôl pơkă, jơnum djop bơnah amăng kual hăng rŏng lŏn tơnah.

Djop khul grup, mơnuih ƀôn sang dua boh dêh čar, akŏ phun lĕ Khul pơlir hơdôm grul giang mah Việt Nam hăng Jơnum min rơnuk rơnua Việt Nam, Jơnum min tơlơi rơnuk rơnua hăng gum pơgôp Lao gum hrŏm kjăp ƀiă dong, pơphun lu bruă pơtô hrăm kơđi čar, tơlơi pơmĭn, sit biă ñu lĕ rơnuk hlăk ai kơ gru grua, pran gum pơgôp giang mah hing ang Việt Nam - Lao.