Khua git gai wai lăng pơ ala mơnuih ƀôn sang dêh čar ơi Trần Thanh Mẫn nao pơhmư̆ Jơlan hơdră adôh suang phara “Nắng Ba Đình”
Thứ tư, 15:04, 28/08/2024
VOV/Siu H' Prăk pơblang
VOV/Siu H' Prăk pơblang
VOV4.Jarai - Ƀrô̆ djơ̆ tal hơdor glăi 79 thun hrơi pơdŏng Lŏn ia, mơmot tom brơi (27/8), ƀơi Sang adôh suang Lớn, Hà Nội, Khua git gai wai lăng pơ ala mơnuih ƀôn sang dêh čar ơi Trần Thanh Mẫn hmâo nao pơhmư̆ Jơlan hơdră adôh suang phara “Nắng Ba Đình”.
Hăng hơdôm tơlơi adôh kiăo tui thun blan, Jơlan hơdră hmâo ngă laih lu mơnuih lăng hơdor glăi hơdôm hrơi hur har anun; hơdor glăi pran jua tuh rơyuh prong prin mơ̆ng Khua mir sir Hồ Chí Minh ăt kah hăng hơdôm rơnuk mơnuih Việt Nam hmâo khin hơtai rơbuh đih pơgang tơlơi rơngai, dưi pô mơ̆ng djuai ania, yâo mơ-ak mơ̆ng mơnuih ƀôn sang.
Hluai tui hơdôm tơlơi adôh, djơ̆ anô̆ ñu hur har, djơ̆ anô̆ ñu kret kruai, Grŭp pơphun Jơlan hơdră tơlơi adôh suang phara “Nắng Ba Đình” čang rơmang amra ngă rŭ đĭ pran jua ư-ang djuai ania, tơlơi kiăng khăp plơi pla, lŏn ia, pran đăo kơnang kơ sa pơgi kơdih anai pơđĭ kyar kơtang mơ̆ng Lŏn ia Việt Nam./.
Viết bình luận