Amăng mông bơkơtuai, dua gơñu pơsit tơlơi rô nao rai Gum hrom abih bang kơplah wah Việt Nam hăng Argentina hơdôm hrơi rơgao pơđĭ kyar klă, sit nik hăng ba glăi bôh tơhnal, hluai tui bruă bơkơtuai grŭp hăng pơbưp gưl dlông; hơdôm hơdră gum hrom kah hăng Jơnum min pơlir hơbit Kơnuk kơna hăng Hơduah lăng bruă Kơđi čar kơplah wah dua Ding jum pơtom hiăp hmâo pok pơhai rim tal, pơplih tañ gah hơdră ngă, yap wot amăng klin Covid-19 ngă.

Dua gơñu tŭ ư hrom ngă dơlăm hloh dong tơlơi rô nao rai bruă kơđi čar – pơtom hiăp, bơkơtuai mơnuih ƀôn sang, hrom hăng anun mă yua đut hlah anô̆ gal hmâo hơdôm mơta dưi djru nao rai kiăng gir run gum hrom ngă brơi mrô prăk pơhrui glăi djơ̆ rơnoh 10 klai dolar Mi amăng thun 2025. Khua git gai wai lăng pơ ala mơnuih ƀôn sang Vương Đình Huệ lăi rơđah bruă kơtưn tơlơi rô nao rai gum hrom kơplah wah Khua pơ ala mơnuih ƀôn sang dua bôh dêh čar djru yôm phăn pơtrut tơlơi rô nao rai dua bơnah lăi hrom ăt kah hăng pơjing hăng pok pơhai glông jơlan tơlơi phiăn gêh gal kơplah wah dua bôh dêh čar lăi ha jăn./.