Amăng mông bơkơtuai, Khua mir sir dêh čar ta ơi Lương Cường lăi rơđah hơdră pơtrun ha sa mơ̆ng Ping gah hăng Kơnuk kơna Việt Nam đing nao ba jơlan hlâo pơđĭ kyar tơlơi rô nao rai Việt Nam – Khač; rơkâo dua Ping gah, dua bôh dêh čar kơtưn gum hrŏm hơbit, gum hrŏm.

Tŭ ư prong hăng hơdôm tơlơi gum pơhiăp mơ̆ng Khua mir sir dêh čar ta ơi Lương Cường, Ding kơna git gai pơ ala mơnuih ƀôn sang dêh čar Khač ơi Triệu Lạc Tế lăi rơđah dua Ping gah, dua bôh dêh čar ngă tui phiăn juăt giăng mah, kơtưn gum hrŏm, gum tơngan hrŏm pơdŏng khul gum hrŏm pơgi kơdih anai hmâo bôh tŭ yua bruă mă lăp djơ̆ hăng bôh tŭ yua mơ̆ng dua bôh dêh, djru klă amăng tơlơi rơnuk rơnua, gum hrŏm, pơđĭ kyar mơ̆ng kual hăng rŏng lŏn tơnah./.