Hơdor glăi 80 thun hrơi Ngă hơkrŭ blan 8 truh kih hăng hrơi pơdŏng Lŏn ia lơ 2/9, ƀơi Anom jơnum Jar kơmar, Hà Nội, Jơnum min djop djuai ania mơnuih mơnam dêh čar Việt Nam ngă lơphet pơphun Jơnum bưp ƀô̆ mơta mơ̆ng khua mua git gai Ping gah, Kơnuk kơna hăng khua pơ ala mơbruă pơ ala kơ hơdôm gưl mơnuih ƀôn sang.

Pơhiăp amăng mông bưp ƀô̆ mơta, Khua mir sir dêh čar ơi Lương Cường lăi rơđah gah yŭ tơlơi git gai mơ̆ng Ping gah Cộng sản Việt Nam, Jơnum min djop djuai ania mơnuih mơnam dêh čar Việt Nam pô apăn akô̆ phun bruă kơđi čar, jing pô tum pơƀut hơbit, gum hrŏm hơbit hơdôm gưl mơnuih mơnam, djop djuai ania, tơlơi đăo, mơnuih Việt Nam amăng hăng mơ̆ng dêh čar tač rơngiao, pơjing pran kơtang hloh mơ̆ng khul gum hrŏm hơbit abih bang djuai ania. Khua mir sir dêh čar rơkâo Jơnum min djop djuai ania mơnuih mơnam dêh čar Việt Nam hơdôm gưl khom gơgrong hlâo, pơčeh phrâo hloh dong amăng bruă ngă tui bruă pô, bôh thâo mơ̆ng khul grŭp, mơnuih ba gru hlâo mơbruă hăng hơdôm gưl mơnuih ƀôn sang, neh wa djŏp djuai ania, tơlơi đăo, mơnuih bơwih ƀong sĭ mơdrô hăng mơnuih Việt Nam pơ̆ dêh čar arăng, djru pơtô pơhrăm phiăn juăt, bư̆ bôr đĭ tơlơi pơmin ngă hơkrŭ hăng rŭ pơdŏng tơlơi čang rơmang tuh rơyuh mơ̆ng rơnuk hlăk ai amăng bruă  ngă hơkrŭ ư-ang mơ̆ng djuai ania amăng rơnuk pơplih phrâo./.