Pơhiăp amăng mông jơnum, Khua mir sir dêh čar ta ơi Lương Cường lăi rơđah, amăng 78 thun rơgao, biă ñu tơdơi giăm hmâo 40 thun pơplih phrâo Ping gah, Kơnuk kơna hmâo mă yua lu hơdră pơkă, hơdră gum djru mơnuih djru ngă hơkrŭ đưm hăng ngă hơkrŭ hăng hơdră bruă anun ƀu pơdơi dưi ngă giong; hơdôm bruă mă “ƀong bôh hơdor kơ pô pla”; bruă pơphun “Abih bang mơnuih ƀôn sang bơwih brơi hơdôm bôh sang anô̆ ling tơhan rơka ruă, ling tơhan pơsăn drơi hăng mơnuih djru ngă hơkrŭ đưm hăng mơnuih ngă hơkrŭ” jai hrơi jai pơđĭ kyar dơlăm prong; djru bơwih brơi klă hloh kơ mơnuih djru ngă hơkrŭ đưm amăng đơ đam dêh čar.

Amăng hơdôm hrơi pơ̆ anăp Ping gah, Kơnuk kơna amra ngă giong dong hơdră bruă, tơlơi phiăn kơ đing nao mơnuih djru ngă hơkrŭ đưm, iâo pơhrui djop mơnuih mơnam pioh bruă anai jai hrơi jai dưi ngă tui klă hloh, tŏng ten hloh./.