Anai lĕ tal pioh ƀing Khua mua ba jơlan hlâo kual ASIA – Thái Bình Dương kơ hơdôm jơlan gah pơđĭ kyar phrâo, tơhnal gal hăng tơlơi lông ba tơbiă hăng hơdôm kual hăng ba tơbiă tơlơi pơmin, jơlan pơsir pơplih phrâo kơ gum hrŏm hăng pơđĭ kyar.

Pơhiăp amăng mông jơnum, Khua mir sir dêh čar ta ơi Lương Cường lăi rơđah khul bơwih ƀong sĭ mơdrô amra gum hơgôp ba glăi bôh tơhnal amăng sa dua mơta, anun lĕ tơlơi ba jơlan hlâo pơplih hơdră bơwih ƀong sĭ mơdrô, ngă đang hmua tui jơlan gah mơtah, sir akô̆ tlôn, pơplih mrô...; kơtưn tuh pơplai kơsem min hăng pơđĭ kyar, pơtrut pơđĭ kyar hăng mă yua djop djuai măi mok pơplih phrâo pioh ĕp ƀuh jơlan pơsir kơ hơdôm tơlơi ječ mơ̆ng rŏng lŏn tơnah. Khua mir sir dêh čar ta ơi Lương Cường pơtŏng sit, Việt Nam kiăo tui kơjăp hơdôm tơlơi phiăn, tơlơi pơmin ha sa, hluh gah kơ rơngai, gơgrong pô, gơgrong hrưn đĭ, kơtưn pô, pơplih lu mơta, lu bơnah, yua kơ tơlơi rơnuk rơnua, gum hrŏm hăng pơđĭ kyar./.