Amăng mông tŭ jum, Khua mir sir dêh čar ta ơi Võ Văn Thưởng mơ-ak lăng ƀuh tơlơi rô nao rai giăng mah mơng hlâo hăng gum hrom klă hiam kơplah wah dua bôh dêh čar pơđi kyar klă dong. Dua bơnah djă pioh bruă čuă nao grŭp hăng bưp kơplah wah khua mua hơdôm gưl. Bruă bơwih ƀong, sĭ mơdrô, tuh pơplai dua bơnah hmâo hơdôm yak pơđĭ kyar prong.

Ƀrô djơ̆ tal anai, Khua mir sir dêh čar ta bơni Pơtao dêh čar Bơl-gum hăng UNICEF Bơl-gum, ăt kah hăng pô yă Mathilde hmâo gum hrom laih, djru hăng gum hrom hăng Việt Nam amăng bruă pơgang hăng bơwih brơi čơđai muai; pioh lu ngăn rơnoh yôm phăn djru Việt Nam amăng bruă pơđĭ tui bôh tơhnal bơwih brơi kơ čơđai muai. Pơsit yôm hơdôm tơlơi pơtă pơtăn mơng Bơnai ơi pơtao hăng Grŭp, Khua mir sir dêh čar ta čang rơmang UNICEF Bơl-gum djru dong Việt Nam ngă giong hơdră bruă, tơlơi phiăn bơdjơ̆ nao čơđai muai; pioh dong ngăn rơnoh djru Việt Nam, biă ñu amăng hơdôm bruă pơtô pơhrăm, bruă ia jrao kiăng Việt Nam ngă klă gloh bruă bơwih brơi, pơtô juăt čơđai muai pơ̆ anăp anai./.