Khua mir sir ơi Lương Cường nao čuă sit nik dêh čar Peru, nao pơmut hrŏm rơwang hrơi tơjuh jơnum khua mua APEC
Thứ tư, 10:39, 13/11/2024
VOV/Siu Đoan Pơblang
VOV/Siu Đoan Pơblang
VOV4.Jarai-Tlam lơ 12/11 tui mông ƀơi dêh čar Peru, Khua mir sir ơi Lương Cường hăng ƀing khua mua mơng Việt Nam pơphun čuă sit nik dêh čar Peru hăng nao pơmut hrŏm rơwang hrơi hrơi tơjuh Jơnum khua mua Khul ngă hrŏm bơwih ƀong huă kua Asia-Thái Bình Dương (APEC) thun 2024 ƀơi Lima, Peru tui tơlơi jak iâu mơng Khua mir sir yă Dina Ercilia Boluarte Zegarra.
Tal nao čuă čang rơmang jing hrơi mông kơđŏm glăi gru grua, pơgôp ngă hơkrŭ kjăp tơlơi rô nao rai kơđi čar hiam klă kơplah wah dua boh dêh čar, hrưn đĭ tŭ yua ngă hrŏm amăng hơdôm bruă tui tơlơi dưi hăng anăp nao ba tơlơi rô nao rai dua bơnah jai prong tui.
Hrŏm hăng anun, bruă Khua mir sir mut hrŏm rơwang hrơi tơjuh jơnum khua mua APEC 2024, lăp djơ̆ hăng tal hơdor glăi 35 thun akŏ pơjing Khul, tŏ tui pơsit tong pơgôp prong, tơlơi gơgrong mơng Việt Nam amăng bruă pơsir hĭ hơdôm bruă amăng kual hăng rŏng lŏn tơnah, sit biă ñu pơtrut bruă pơlir hơbit bơwih ƀong jar kmar, pơtrut phrâo amăng pơđĭ kyar amăng kual; tŏ tui hơkrŭ tơlơi gơgrong mơng APEC lĕ khul bơwih ƀong prong hloh.
Viết bình luận