Bruă khua mir sir Việt Nam nao pơhmư̆ hrŏm jơnum prong 80 thun mơnuih ƀôn sang rŏng lŏn tơnah blah pơrai tơhan sat ƀai phat sit, jơnum ƀơi dêh čar Khač, hrŏm hăng bruă pơdah rai tơlơi pơpŭ yom phara mơ̆ng Việt Nam hăng tơlơi jĕ giăm gơyut gơyâo dêh čar ieo gah, bơnah ngă hrŏm yom hlom bom hăng dêh čar Khač, dŏ jing tơlơi pơtruh brơi anŏ kiăng či lăi nao mơ̆ng Việt Nam lĕ, lăng yom hăng pơgang rơnoh yom pơphăn tơlơi rơnuk rơnua mơ̆ng ană mơnuih ƀơi rŏng lŏn tơnah, pơtrut bruă ngă hrŏm hăng djop dêh čar, yua kiăng pơđĭ kyar mơak klă, pơdrong sah ƀơi djop dêh čar hăng mơnuih ƀôn sang rŏng lŏn tơnah.

Rơngiao kơ mông jơnum prong hơdor glăi 80 thun blah pơrai tơhan phat sit, him lăng Khua mir sir ơi Lương Cường amra hơmâo mông bơkơtuai, bưp nao rai hăng khua mua pơprong gah dêh čar Khač.