Mơguah tom brơi (3/9), ƀơi dêh čar Khač pơphun yôm phăn mông tơhan rơbat pơtrui pioh hơdor glăi 80 thun blah dưi phát xít mơng mơnuih ƀôn sang rŏng lŏn tơnah ƀơi tơdron lăk Thiên An Môn, plơi prong jưh jom Bắc Kinh. Tŭ ư hăng tơlơi jak iâu mơng Khua git gai Ping gah Cộng sản Khač, Khua mir sir dêh čar Khač ơi Tập Cận Bình, Khua mir sir ơi Lương Cường hăng grup khua mua pơprong mơng Việt Nam nao lăng mông ngă lơphet.

Đĭ pơhiăp mông ngă lơphet, Khua git gai Ping gah, Khua mir sir dêh čar Khač ơi Tập Cận Bình pơdah tơlơi pơpŭ hăng pran tuh rơyuh mơng tơhan hơđăp gum hrŏm blah wang, kah hăng tơlơi dong yua mơng gơyut gơyâo jar kmar, ƀing mơnuih khăp tơlơi rơngai amăng rơnuk blah wang kơdong glăi tơhan phát xít. Tŏ tui, mông tơhan rơbat pơtrui pơprong pơphun hơmâo tơlơi mut hrŏm mơng lu rơdêh phao kơtang phrâo hloh gah tơhan pơklaih rơngai mơnuih ƀôn sang dêh čar Khač hơmâo 45 grup tum pơƀut rôk tui jơlan Trường An. Hlâo anun, Khua mir sir ơi Lương Cường hơmâo nao čơkă hăng phĭn rup hrŏm khua mua nao lăng mông ngă lơphet 80 thun blah dưi phát xít mơng mơnuih ƀôn sang amăng rŏng lŏn tơnah yua Khua git gai Ping gah, Khua mir sir Khač ơi Tập Cận Bình git gai.