Đĭ pơhiăp amăng mông ngă lơphet, Khua mir sir ơi Lương Cường pơsit tong, sang hră lĕ anih bơngač kơ bruă kơsem min boh thâo măi mok, pơphô bruă yôm phun, pơđĭ kyar amăng pơtô pơblang, hrưn đĭ klă amăng bruă git gai hăng wai lăng rơnuk rơnua lŏn ia, pơhlôm hơđong bruă mơng Ping gah, kơnuk kơna, pơgôp pơjing ling tơhan, hơkrŭ kjăp bruă ling tơhan, pơhlôm wai pơgang lŏn ia tañ, mơng ataih, pơgang hơđong bruă kơđi čar-mơnuih mơnam, ngă atur kjăp amăng rơnuk phrâo mơng sang hră pơtô ling tơhan.

Kiăng ngă klă bruă jao amăng rơnuk phrâo mơng sang hră pơtô ling tơhan, Khua mir sir rơkâo sang hră kiăng tŏ tui gơgrong pok pơhai tŭ yua tơlơi črâo trun, jơlan gah mơng Ping gah, hơdră bruă, tơlơi phiăn mơng Kơnuk kơna amăng wai pơgang rơnuk rơnua, hơđong, kơ tơlơi rơkâo bruă jao pơjing mơnuih apăn bruă pơprong amăng Ping gah, kơnuk kơna, ling tơhan; laih dong, gơgrong prap lui hruă kjăp, pok pơhai mơtăm tơlơi pơtrun mơng Jơnum Ping gah ling tơhan tal XII hăng tơlơi pơtrun Jơum tal XIV mơng Ping gah amăng bruă pơtop hrăm-pơtô brơi kiăng pơtrut kơ amăng boh tơhnal, jơlan hơdră pơtop hrăm-pơtô brơi, pơlir kjăp amăng pơblang hăng tơlơi sit nik, lăp djơ̆ hăng jơlan gah wai pơgang lŏn ia amăng rơnuk phrâo.