Pơhiăp pơtum glăi mông jơnum, Khua mir sir ơi Lương Cường lăng yôm biă tơlơi gir run mơ̆ng Anom bruă Khua mir sir amăng hrơi mông rŏng lŏn tơnah hăng amăng kual hơmâo lu tơlơi pơplih phara; amăng anun, hơbô̆ bruă gong gai dua gưl tơdơi kơ dua blan pơphun ngă tŭ yua laih; hơdôm boh tơring čar, ƀôn prong, ding jum anom bruă pơƀut pok pơhai jơnum ping gah djŏp gưl.

Kơ bruă kiăng ngă pơ anăp anai, Khua mir sir lăi hơmâo lu bruă biă mă, anun kiăng Anom bruă Khua mir sir pơtrut abih pran jua, ngă bruă hơdeč hmar, prăp rơmet hlâo đah mơ̆ng pok pơhai ngă bruă kơsem min, lăi pơthâo glăi, bơwih bruă kơ Khua mir sir, Kơ-iăng khua mir sir ƀơi djŏp bruă jơnum amăng dêh čar, jơnum hăng čar rơngiao; tañ lăi pơthâo hơdôm bruă lăp djơ̆ hăng tơlơi hơmâo sit nik, dlăm, pơhlôm tui tơlơi pơkă hăng anŏ klă bruă mă; biă ñu ƀơi hơdôm mông jơnum yôm kơ bruă jơnum amăng dêh čar, pơtom hiăp hăng čar rơngiao amăng hrơi ngă lơphet 80 thun Ngă hơkrŭ blan čơpăn hăng Akŏ pơdong kơnuk kơna lŏn ia lơ 2/9./.