Ƀơi mông ngă bruă, Khua ping gah dua boh tơring čar hơmâo lăi pơthâo bruă čar, lăi pơthâo glăi hơdôm bruă aka ƀu djơ̆, aka ƀu dưi ngă, bruă ruah mơnuih ngă khua, hăng tơlơi pơtrun. Ƀing khua lăng yôm hơdôm bruă dưi ngă, laih dong kiăng ngă rơđah hloh hơdră pơsir hĭ hơdôm tơlơi dŏ gun, pơgăn bruă pơđĭ kyar, pơsit bruă yôm phun kiăng ngă, jơlan ngă bruă anăp nao truh thun 2045.

Pơtum glăi ƀơi mông jơnum, Khua mir sir ơi Lương Cường bơni kơ tơlơi gir run mơ̆ng dua boh tơring anai, tŭ ư hăng hră ba jơnum, kiăng pơhmư̆ tui tơlơi pơgôp hiăp mơ̆ng Ding jum kơđi čar, biă ñu lĕ tơlơi git gai mơ̆ng Khua git gai ping gah ơi Tô Lâm, kiăng ngă giong hĭ. Khua mir sir ăt kiăng čih hơdră ngă bruă tong ten, rơđah pô, rơđah bruă, rơđah hrơi mông pơkă, dưi pơphun ngă mơtăm tơdơi kơ mông Jơnum, pơhlôm djơ̆ hăng tơlơi kiăng, tơlơi anăp nao hăng jơlan đĭ kyar amăng rơwang phrâo./.