Jơnum anai hơmâo rơbêh 200 čô khua mơ̆ng jar kmar hăng Việt Nam, hơmâo khua mua prong mơ̆ng hơdôm grup bơwih ƀong, anom sĭ mơdrô pơprong mơ̆ng 21 boh dêh čar amăng APEC. Jơnum pơƀit bơkơtuai hơdôm hơdră yôm phun kah hăng: sĭ mơdrô - tuh pơ alin, bơwih ƀong mrô, pơplih ngă bruă mơtah hơdjă, prăk hơđong, anih anom pơkra gơnam ba sĭ, tơlơi rơgơi pơčeh phrâo, ia jrao rơgơi...

Pơhiăp ƀơi mông jơnum blung a, Khua mir sir lăng yôm bruă ba bơkơtuai mơ̆ng tal jơnum anai, lăi anai jing tơlơi kiăng ngă hlâo prong biă amăng hơdră đĭ kyar mơ̆ng Việt Nam truh pơ thun 2030, lăng nao pơ anăp truh thun 2045. Khua mir sir lăi, Việt Nam glăk pơplih tơlơi phiăn, čih pơkra giong tơlơi phiăn hăng akŏ pơjing anih bơwih ƀong tuh pơ alin rơđah rơđông, hơđong, ngă gêh gal brơi anom bơwih ƀong amăng hăng gah rơngiao dêh čar./.