Ƀơi mông bưp, Khua mir sir pơsit Việt Nam lêng kơ lăng yôm tơlơi rô nao rai giăng mah hăng Thổ Nhĩ Kỳ yua kơ tơlơi gêh gal mơ̆ng mơnuih ƀôn sang dua bơnah, ăt kah hăng yua tơlơi rơngai, hơđong, ngă hrŏm hăng đĭ kyar ƀơi rim kual hăng ƀơi rŏng lŏn tơnah.

Khua mir sir ơi Lương Cường lăi nao tơlơi rô nao rai dua bơnah amăng hrơi blan rơgao đĭ kyar hiam klă hăng Việt Nam čang rơmamng ba tơlơi ngă hrŏm jai hrơi kjăp hloh. Kiăng ba bruă ngă hrŏm gah ling tơhan pơgang lŏn ia kơplah wah Việt Nam hăng Thổ Nhĩ Kỳ sit nik, tŭ yua hloh, Khua mir sir kiăng hrơi blan pơ anăp Ding jum ling tơhan dua boh dêh čar pơtrut tui, ngă dlăm hloh tơlơi rô nao rai kiăo tui Hră kĭ pơkôl ngă hrŏm ling tơhan hơmâo kĭ pơkôl, ăt kah hăng hơdôm tơlơi hơmâo ba pơčrông sai, tŭ ư ƀơi mông jơnum kơplah wah dua čô Khua ding jum ling tơhan.