Khua ding jum pơtom hiăp dêh čar Lao pơdah pran jua hơdor tơngia biă mă hăng Ping gah, Kơnuk kơna laih anun mơnuih ƀôn sang Việt Nam dong yua, dŏ hrŏm hăng jĕ na nao tom Ping gah, Kơnuk kơna hăng mơnuih ƀôn sang djop djuai ania Lao. Khua mir sir dêh čar ta ơi Lương Cường đăo kơnang hăng tơlơi thâo, bruă tom găn rơgao, hrŏm hăng tơlơi khăp pơpŭ nao rai hiam klă mơ̆ng Khua ding jum laih anun amăng bruă mă mơ̆ng ñu pô, Khua ding jum pơtom hiăp dêh čar Lao amra hơmâo tơlơi pơgôp hrŏm hloh dơ̆ng kơ bruă ngă giăng mah pŭ ƀăn dua bơnah dêh čar.

Khua mir sir lăng yôm boh tơhnal hơmâo bơkơtuai nao rai dua bơnah khua ding jum thun blan rơgao, djru ngă tui sit nik tŭ yua bruă mă rô nao rai dua bơnah; khua mir sir bơni kơ khua ding jum pơtom hiăp dêh čar Lao đing rai, ngă gêh găl kơ mơnuih ƀôn sang Việt Nam dŏ ƀơi dêh čar Lao, bơwih ƀong huă, hơdip mơda hơđong mơak klă laih anun ngă kơjăp tui bruă rô nao rai dua bơnah, biă mă ñu tơlơi đăo kơnang kơđi čar tơdruă, kiăng kơtưn amăng bruă pơgang rơnuk rơnua lŏn ia, jing tơmeh phun yôm kơ bruă ngă giăng mah mơ̆ng dua bơnah dêh čar.