Hăng pran hơdor tơngia, ƀing khua mua Ping gah, Kơnuk kơna hơmâo pioh mông hơ-ŭ hơdor kơ Khua mir sir Hồ Chí Minh, khua apăn akŏ rơgơi kơhnâo, mơnuih sông kơtang djru pơklaih rơngai lŏn ia, mơnuih tuh rơyuh pran jua yua kơ mơnuih ƀôn sang, lŏn ia, git gai Ping gah, mơnuih ƀôn sang ba glăi lu tơlơi dưi hing ang, ba glăi tơlơi yôm kơ djuai ania, lŏn ia ta.

Guang bơnga mơng khul khua mua hơmâo čih “Hơdor na nao kơ Khua mir sir Hồ Chí Minh kiăng khăp”. Khua mir sir Hồ Chí Minh ataih mơng ƀing ta 55 thun anai laih, samơ̆ hră čih pioh mơng Ñu lêng jing tơlơi črâo ba kơ Ping gah, mơnuih ƀôn sang hăng ling tơhan kiăng kjăp pran yak nao amăng bruă hơkrŭ. Ngă tui tơlơi čih pioh mơng wa, Ping gah, abih bang mơnuih ƀôn sang, ling tơhan gir run ngă truh kih djop hơnong pơkă, bruă jao mơ̆ tơlơi pơtrun Jơnum Ping gah tal XIII ba tơbiă.