Đĭ pơhiăp amăng mông pok pơphun, Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, jơnum pơphun amăng 1 hrơi, ƀơi Ƀirô Khua pơ ala mơnuih ƀôn sang dêh čar. Khua pơ ala mơnuih ƀôn sang amra pơphun pơčrông sai, pơgôp hiăp kơ bruă brơi pơdơi bruă hăng Khua sang phat kơđi tơlơi, brơi pơdơi bruă Khua sang bruă pơsir kơđi tơlơi kiăng kơ jao bruă phrâo dong. Pơsit brơi pơdơi bruă hăng 1 čô kơ-iăng khua dêh čar hăng Khua ding jum phiah phăn kiăng kơ jao bruă phrâo dong. Pơsit brơi pơdơi bruă 1 čô kơ-iăng khua dêh čar hăng Khua ding jum wai lăng lŏn mơnai glai čư̆. Brơi pơdơi bruă hăng 1 čô Khua pơ ala mơnuih ƀôn sang dêh čar tal 15. Khua pơ ala mơnuih ƀôn sang dêh čar pơčrông sai, pơgôp hiăp kơ bruă ruah pơhrua 1 čô kơ-iăng khua dêh čar rơwang mă bruă Khua pơ ala mơnuih ƀôn sang dêh čar tal 15. Ruah pơhrua 3 čô kơ-iăng khua dêh čar, Khua ding jum wai lăng lŏn mơnai glai čư̆, Khua ding jum phiah phiăn. Ruah Khua sang phat kơđi dêh čar hăng Khua sang bruă pơsir kơđi tơlơi.