Amăng mông jơnum, Khul đah kơmơi bơwih ƀong sĭ mơdrô tơring čar Dak Lak hơmâo kĭ hră pioh hơdor ngă hrŏm hăng Khul đah kơmơi bơwih ƀong sĭ mơdrô dêh čar Hàn Quốc, khul mă bruă ƀơi kual kơdư Gyeonggi. Hơdôm anom bơwih ƀong sĭ mơdrô dua bơnah ăt pơphun kĭ 23 pok hră pioh hơdor ngă hrŏm amăng lu bruă anun lĕ bơwih brơi tuai čuă ngui, bơwih bơwang, pơkra bơnal, gơnam đang hmua, gơnam pik hiam ƀô̆ mơta, djru mơnuih mơnam.

Bruă kĭ hră pioh hơdor ngă hrŏm lĕ sa tơlơi yak nao yôm phăn pok rai lu tơlơi gal phrâo, djru brơi ƀing đah kơmơi bơwih ƀong sĭ mơdrô hrăm nao rai, pơlăi nao rai tơlơi găn rơgao hăng pok pơhai lu bruă ngă hrŏm sĭ mơdrô, pơgôp pơtrut pơđĭ kyar bơwih ƀong huă, mơnuih mơnam. Khul đah kơmơi bơwih ƀong sĭ mơdrô tơring čar Dak Lak ngă amăng lu bruă. Ƀrô tal anai, Khul hơmâo kĭ pơkôl kơ bruă sĭ mơdrô, bơwih brơi mơnuih tha rơma, mơnong ƀong huă.