Amăng 2 hrơi lơ 16 hăng 17/9, Khua mua pơ ala mơnuih ƀôn sang tơring čar Lâm Đồng ngă hrŏm hăng Anom bruă prăp rơmet ruah khua, Jơnum min prăp rơmet bruă ruah khua pơ ala mơnuih ƀôn sang dêh čar pơphun Jơnum pơtŏp bruă kơ ƀing khua pơ ala mơnuih ƀôn sang gưl să, kiăng thâo kjăp tơlơi phiăn, thâo rơgơi ngă bruă mơ̆ng ƀing khua.

Kiăo tui hrơi hrăm ƀơi anăp hăng mơ̆ng ataih, Jơnum pơtŏp bruă kiăng thâo kjăp tơlơi phiăn, tơlơi rơgơi ngă bruă kơ ƀing khua pơ ala mơnuih ƀôn sang gưl să mơ̆ng tơring čar Lâm Đồng. Jơnum anai hơmâo pơtruh mơ̆ng anih phun lĕ Đà Lạt truh pơ 120 boh să phường amăng tơring čar, laih anun hơmâo 1.720 čô khua pơhmư̆. Ơi K’Mák, Kơ-iăng khua jơnum min mơnuih ƀôn sang tơring čar Lâm Đồng brơi thâo, tơlơi hơmâo sit ƀơi Lâm Đồng brơi ƀuh, dơ̆ng mơ̆ng hrơi gong gai dua gưl hơmâo ngă, hăng ƀu hơmâo dong tah gưl tơring glông, jing bruă mă mơ̆ng Jơnum min pơ ala mơnuih ƀôn sang gưl să lu biă mă, anun kiăng pơđĭ tui tơlơi rơgơi, apăn bruă đah mơ̆ng dưi ngă djŏp bruă phrâo./.