Ƀơi mông jơnum, ƀing pơ ala mơ̆ng hơdôm ding jum anom bruă hơmâo pơčrông sai, pơsir hĭ tơlơi tơnap, tơlơi gun mơ̆ ƀon prong Hải Phòng glăk bưp; kiăng ƀôn prong pơƀut pơtrut đĭ djŏp tơlơi gêh gal či đĭ kyar phrâo kah hăng: Pok pơhai kơčăo bruă kual sĭ mơdrô rơngai; apui pơkĕ jua angin pơ ia rơsĭ; pơplih boh thâo mrô...

Lăng yôm hơdôm boh than hơmâo ngă abih bang mơ̆ ƀôn prong Hải Phòng hơmâo ngă, Kơ-iăng khua dêh čar ơi Hồ Đức Phớc lăi: “Hải Phòng glăm bruă rpong biă mă” laih anun kiăng hăng tơlơi pơplih phrâo, ƀôn prong Hải Phòng phrâo kiăng sem lăng tong ten rơđah rơđông tơlơi thâo rơgơi mơ̆ng jar kmar hơmâo ngă, mă yua lăp djơ̆ hăng tơlơi kiăng, tơlơi phara mơ̆ng ƀôn prong amăng bruă dăp, rơmet, čuk pơkra ƀôn prong Hải Phòng (phrâo); akŏ pơdong kual bơwih ƀong rơngai; ruah mơnuih tuh pơ alin rơgơi, hơmâo măi mok boh thâo phrâo pơlir hăng jao glăi boh thâo, măi mok, pơhlôm đĭ kyar tañ, kơtang, hơđong kjăp./.