Tui hăng tơlơi lăi pơthâo, kơthel ngă 3 čô mơnuih djai, 10 čô mơnuih rơka; rơbêh 6.800 boh sang tơpok tôl, răm rai; hơjan kơthel ia dăo abih 28.814 ha pơdai hăng 2.221ha añăm pơtăm hơbơi pơtơi.

Kơ-iăng khua dêh čar tŭ yap tơlơi ngă bruă hmao kru mơ̆ng Nghệ An, Thanh Hóa, Hà Tĩnh, laih dong kiăng Thanh Hóa, Hà Tĩnh, Quảng Trị hăng Thừa Thiên Huế pơtŏng glăi rơđah tơlơi dưi pơgang pơhlôm hlâo, biă ñu lĕ bơnư̆ kŏng ia, đah mơ̆ng prăp rơmet hlâo kơ hrơi hơmâo tơlơi truh. Kơ bruă pơsir hĭ anŏ răm rai, Kơ-iăng khua dêh čar iâu pơthưr abih bang ling tơhan, kông an djru ba mơnuih ƀôn sang, kiăng djru hlâo ƀơi sang hră, sang ia jrao, sang anŏ rin, sang anŏ hơmâo anăn kơnuk kơna djru. Ñu lăi pơtŏng kiăng tañ pơtô hrăm glăi, wai lăng tơlơi suaih pral, hơđong tơlơi hơdip kơ mơnuih ƀôn sang tơdơi kơ abih kơthel./.