Pơsit IC ICTAS lĕ grŭp hmâo tơlơi ư-ang klă, hmâo tơlơi găn rơgao pơdŏng lu tơdrŏn rơdêh por ƀơi rŏng lŏn tơnah, Kơ-iăng Khua dêh čar ta ơi Trần Hồng Hà brơi thâo, Gong gai, Khua dêh čar ta đing nao biă, pel ĕp na nao, pơtrut pơsur, hmâo hơdôm bruă jơnum črâo ba rơđah biă pioh pơtrut tañ rơnoh, tañ pơdŏng giong rơwang bruă anih dŭ pơgiăng gơnam mơ̆ng tơdrŏn rơdêh por jar kơmar Long Thành.

Kơ-iăng Khua dêh čar čang rơmang IC ICTAS mă bruă dong hăng hơdôm bơnah sĭ măi mok pioh dưi pơsit hrơi pơkă amra ngă ƀiă hrơi pioh pơkra giong Sang tuai jưh tơdrŏn rơdêh por Long Thành pơhlôm klă, khom djơ̆ hơdră, ba glăi bôh tơhnal yôm hloh. Bơni Kơ-iăng Khua dêh čar pioh mông tŭ jum, ơi Reha Denemec pơtŏng sit pơlir anăn păn amra gir run abih pran jua, ĕp jơlan thâo hloh, pơdŏng pơkra... pioh ngă tañ giong; hrŏm hăng anun čang rơmang dưi ngă tui hơdôm rơwang bruă mă yua dŭ pơgiăng tuai, mă yua Tơdrŏn dŭ pơgiăng mơ̆ng tơdrŏn rơdêh por Long Thành./.