Hră pơtrun ječ anun lăi rơđah, abih bang khul ling tơhan kông an, tơhan blah ngă, tơhan sang bruă wai lăng anih sĭ mơdrô, tơhan sang bruă mă jia sĭ mơdrô hăng tač rơngiao, tơhan pơgang guai dêh čar....khom prăp lui yơh, sem lăng tơlơi pơhing, kiăng hmar ƀuh, tañ pơsir tơlơi či hơmâo arăng ngă soh tơlơi phiăn kơnuk kơna, ƀu lui dŏ kơtuă, sư̆ rơbư̆ ôh.

Khua dêh čar lăi pơtong, bruă kơtưn hyu tir, sem lăng djop jơlan glông nao rai, pơhlôm pơgang tơlơi truh boh pơtuh, apui ƀong sang, tơlơi truh rơdêh pơjrom, tơlơi soh sat črih čruai mơnuih mơnam, pơhlôm rơnuk rơnua kơ mông jơnum prong bruă kơđi čar, gru grua hiam, bruă mă čơkă tuai hyu ngui, tơlơi mơak hrơi pơdơi pơdă mơ̆ng mơnuih ƀôn sang. Djop tơring čar kiăng hơmâo hơdră bong glăi tơlơi či truh sat, adai hơjan hlim, rơbŭ kơthel kiăng pơhlom rơnuk rơnua tơlơi hơdip, kông ngăn. Khua dêh čar pơtrun hiăp djop anom bruă pơdjơ̆ nao lăi pơthâo tañ, hmao kru tơlơi pơhing, djru pơgang kơjăp hơđong kơđi čar, tơlơi rơnuk rơnua mơnuih mơnam, kiăng kơ mơnuih ƀôn sang amăng dêh čar čơkă Hrơi ngă yang pơklaị rơngai hăng akŏ pơdong kơnuk kơna dêh čar  mơak mơai, rơnuk rơnua hloh.