Khua git gai Ping gah, Khua mir sir ơi Tô Lâm git gai mông jơnum. Nao jơnum hrŏm hơmâo ƀing ding kơna Ding jum kơđi čar hơmâo: Ding kơna Khul git gai Ping gah dêh čar ơi Lương Cường; Khua apăn bruă Ping gah, Khua anom pơphun bruă gơnong glông ơi Lê Minh Hưng; Khua apăn bruă Ping gah, Khua anom pơphô bruă Ping gah gơnong glông ơi Phan Đình Trạc hrŏm hăng: ơi Lê Hoài Trung, Khua apăn bruă Ping gah, Khua anom pơtom hiăp gơnong glông; ơi Nguyễn Duy Ngọc, Khua apăn bruă Ping gah, Khua anom bruă gơnong glông hăng khua mua hơdôm ding jum, gơnong bruă, sang bruă gơnong glông.

Amăng mông jơnum, Khua git gai Ping gah, Khua mir sir ơi Tô Lâm jao hră pơsit ruah ơi Trần Lưu Quang, Ding kơna Khul apăn Ping gah, Kơ-iăng khua dêh čar ngă Khua anom bơwih ƀong huă gơnong glông; ruah ơi Mai Văn Chính, Ding kơna Khul apăn bruă Ping gah, Kơ-iăng Khua khul apăn bruă Khul pơphun bruă gơnong glông ngă Khua anom pơtô ba mơnuih ƀôn sang gơnong glông.