Ră anai KOL, ƀing pơčeh tơlơi ngă sen, tơlơi ngui hơmâo arăng lăng lu, ƀing wai lăng hơdôm grup amăng plang internet...ƀơi tơring čar Lâm Đồng, glăk mă bruă ƀơi lu bruă phara kah hăng tuai hyu ngui, ƀong huă, gru grua, sĭ mơdrô gơnam mơ̆ng hmua...hơmâo hơdôm pluh klăk wơ̆t mơnuih krăo lăng. Anai jing mơnuih bang hyu, pơtui tơlơi pơhing amăng glông boh thâo mrô, bơdjơ̆ nao bruă pơhlôm rơnuk rơnua plang internet ƀơi tơring čar.

Mông jơnum hơmâo pơtô lăi tơlơi phiăn kơ rơnuk rơnua plang internet, pơgang ba tơlơi pơhing anăn păn hơjăn pô, laih dong pơtruh nao rai, pơtrut tui tơlơi gơgrong bruă mơ̆ng KOL hăng pô wai lăng amăng bruă bang hyu tơlơi pơhing hiam, klă, tŭ yua, thâo khăp ƀu-eng. Djru ƀing wai lăng khul grup mơ̆ng plang internet thâo hluh tơlơi phiăn, pơhlôm pơčeh phrâo tơlơi pơhing,, wai lăng fanpage, khul grup djơ̆ tơlơi phiăn. Amăng hrơi anai, Kông an tơring čar Lâm Đồng ba pơƀuh hơbô̆ bruă “Anih mă yua boh thâo mrô Lâm Đồng rơnuk rơnua, mơ-ak klă”, jing hrơi jơnum pơtruh nao rai ƀing KOL, ƀing wai lăng plang internet hăng tơhan kông an, djŏp anom bruă wai lăng kơnuk kơna hăng anom bơwih ƀong, djru pơđĭ kyar Lâm Đồng amăng rơnuk mă yua boh thâo mrô./.