Gơnong bruă man pơdong hăng Gơnong bruă gru grua, Pơrơguăt drơi jăn hăng Tuai čuă ngui lĕ dua gơnong bruă dưi hơmâo Jơnum min mơnuih ƀôn sang tơring čar Lâm Đồng jao pok pơhai ngă tui boh yom phun pơtrun ngă hră pơar pơkă hơnong hrŏm Anih tuai čuă ngui gưl dêh čar Mũi Né truh thun 2040 lăng nao pơ anăp truh thun 2050.

Anih pơkă kual amăng 3 boh să, phường, hơmâo: Phú Thủy, Hòa Thắng hăng Mũi Né abih bang anŏ rơhaih prong rơbêh 14.700 ha. Pơkă hơnơ̆ng anai, tui tơhnal kiăng man pơdong, pơđĭ kyar bruă tui čuă ngui dêh čar Mũi Né, jing anih anom phun čơkă tuai gưl dêh čar djơ̆ lăp hăng jar kmar, anih či nao ngui hiam hloh amăng kual ASIA-Thái Bình Dương. Him lăng truh thun 2030 pơkra hơnơ̆ng rơnoh tuai či nao ngui amra hơmâo 14 klăk wơ̆t, anih tuai jưh dŏ glăi 41.000 boh sang hăng lŏn man pơdong kơ anih anom mă bruă, bơwih bơwăng truh 10.000 ha. Ơi Võ Thành Huy, Kơ-iăng khua Gơnong bruă gru grua, Pơrơguăt drơi jăn hăng Tuai čuă ngui Lâm Đồng lăi, kaih hloh lĕ truh lơ 15/9, abih bang hră čih dăp, pơkă hơnơ̆ng amra ngă giong mơtam.